Residenza 3* in Carghjese

Residenza 3* in Carghjese

Quattru case sò scumparte in 22 appartamenti, nant’à dui nivelli. Anu tutti una vista nant’à u mare, è anu un parcheghju privatu accantu. A piscina hè aperta a ghjurnata sana.

Acconci novi :

- 2012 : WIFI dispunibile àl’intrata di a residenza è inde l’appartamenti. Certe orea qualità di a cunnessione dipende di a capacità di a reta.

- 2013: TV in ogni appartamenti senz’aghjunta (accessu à a TNT)

- 2013: migliuranza di u materiale casalingu (rinfriscatoghju cù cunghjelatore, forni inde i T2 è T3, placche vitroceramiche, imbrustapani, bullitoghja elettrica, asciuvacapelli).

- 2014: classificazione di a residenza in categuria 3*

- 2015: Riservazione in linea

Cumu si po riservà ?

- A riservazione in linea:andate nant’à a paghjina d’accolta è lasciate vi stradà

- A sezzione ‘cuntattu’ si vulete infurmazioni nanzu a vostra riservazione

E cundizioni di riservazione

- L’avanzu : 40 % di a somma tutale cù CB per cunvalidà a vostra scelta

- U saldu da pagà ubligatoriamente u ghjornu di ghjunta, cù a rimesa di e chjave
- In casu d’annulazione, l’avanzu hè cunservatu.

- A garanzia : 300 € cù stampa di CB, cunservata u tempu di u vostru sughjornu cume garanzia per i lochi è u materiale à dispusizione.

L’aghjunti

- A smullizzata à a fine di u sughjornu (ubligatoriu)

- A lucazione di i panni (puvete purtà i vostri). I prezzi sò precisati per ogni appartamenti.

- A tassa di sughjornu hè fissata à 1,32 € per ghjorni è per adultu.

- U sughjornu di l’animali: 15 € per animale è per sughjornu.

L’acconci di rigalu

- Attrazzi per i ciucci (brande, alte cherreie, chjughe bagnarole…)da precisà à a riservazione.

- A piscina : u pozzu hè apertu a ghjurnata sana, interdettu a notte. I zitelli di menu di 15’anni duveranu esse accumpagnati ubligatoriamente da l’adulti è seguitati di cuntinuu.

U vostru sughjornu

- Mentre u vostru sughjornu, vi dumandemu un’utlisazione curretta di i lochi, lucali è materiali à a vostra dispusizione, listessu per u rispettu di una certa manera di campa inseme (tazzu è andatu u ghjornu è a notte, chì puderanu disturbà i vicini).

À sapè

- Un locucciu hè statu accunciatu per l’accessu à i lavapanni, à l’ore d’apertura di l’accolta (lisciva paghenta).

- Hè stata messa in piazza, di pocu, da a municipalità, a trascelta selettiva di e scigliture. E cascie sò à l’esciuta di a residenza.

- Primurosi di a priservazione di l’ambiente è di l’ecunumie d’energie, acconci sò stati fatti inde a residenza : lumi di pocu cunsumazione, acqua naturale per l’annacquera è i lavapanni, riduttori di prissione…